Prins John III

Adjudante: Huub, Gerard, Mark en Stan

BOUTMAF, IEZERSJTERK!

 

PROKLEMASIE

Veer PRINS JOHN III
Zes en vieftigste prins van de Plekkers oet Maerem.
Bie de grasie van Vors Jimmy van de Plekkers oet Maerem
Adjudante Huub, Gerard, Mark en Stan en de Raod van Ellef.
Ein jaor heerser euver ’t Plekkersriek
van de Nak toet Lerop en van de Rooj Brök toet
aan de Sjroevesjtraot, proklameer ich veur uch.

Plekkersvolk:

TEN EERSTE

Det ich as Veldjmoes bön gebaore en as Kemphaan groot bön gewaore

TEN TWEEDE

Det ich 4 x 11 jaor truuk jeugprins biej de Kempnarre waas, toen goof ich al gaas

TEN DERDE

Det mien femilie al meer dan 80 prinse haet gekind, wieväöl precies is mich onbekind

TEN VEERDE

Det 3 aad-Plekkersprinse noe ’n adjudantepekske aandoon, vinj ich sjoon

TEN VIEFDE

Det ’t mich väöl duit, det miene zoon Stan ouch naeve mich stuit

TEN ZESDE

Det ich ’n kleintje pils neet laot sjtaon, maar eine halve liter zal d’r ouch waal in gaon

TEN ZEVENDE

Det ich dochter Sjuul neet sjeif aankiek, det ’t vastelaovend viert in ’t Veldjmoeze-riek

TEN ACHSTE

Det ich gaer biej De Sjuur aan de bar hang, maar veur ein festival bön ich ouch neet bang

TEN NEGENDE

Det kleinzoon Jes as Rogstaeker is gebaore in Weert, maar noe al de Plekkers-regels leert

TEN TEENDE

Det ich dökker werk in ein aluminium-geeteriej, daorom laupe die gekke (mien adjes) der zo biej

TEN ELLEFDE

Det geer dit jaor get gaot belaeve, want d’r waerd nog ins aajerwets gaas gegaeve

 

miene sjpreuk:

“Boutmaf, iezersjterk!”