Prins Roan I
Adjudante: Lynn, Benthe en Mick
“DRIE DAAG SJPEELKETEER!”
PROKLEMASIE
Veer, Prins Roan den eerste,
Veerteende prins van de Jeugdplekkers oet Maerem.
Bie de grasie van Vors Jimmy van de Grote Plekkers.
Adjudante Lynn, Benthe en Mick en de Raod van Ellef.
Ein jaor heerser euver ’t Jeugdplekkersriek
Van de Nak toet Lerop en van de Rooj Brök toet aan de Sjroevesjtraot.
Zoon van mien vader en mooder,
Grote broor van ein héél net Maerems Maedje,
Cum Laude Sjtudent aan ‘t Lastaste-college in Häör,
Groot arties oppe klein trom biej de sjlaagwerkgroep vanne Aaij Famfaar,
Afgesjtudeerd plantefloestereer biej Scouting Sint Hubertus in Herte,
Game-fanaat in hert en zeel,
MER ’T LEEFS VAN ALLES: JEUGDPRINS VAN MAEREM!
Proklamere veur uch,
Ten eerste:
ROOP ICH DIT JAOR HEEL ERG HEL: MIT VASTELAOVEND IN MAEREM SJTEIT NEEMES BOETESJPEL!
Ten tweede:
MIEN PAP EN MAM HÖBBE MICH AL LANG VERTELT, WIE ‘T FEES VAN VASTELAOVEND ‘T BES TE SJPELE VELT!
Ten derde:
NAO TOVERLANDJ OF DE EFTELING GAON ICH GAER, OUCH AL KOS PAP EN MAM DET ’N FORTUIN, MER TIEDENS VASTELAOVEND GAON ICH NÖRGES HAER, WANT DEN IS MAEREM MIENE SJPEELTUIN!
Ten veerde:
NAEM DEES DAAG ALLEMAOL UCH EIGE TRÖMKE MIT, WANT ‘T IS MAEREM WO MEZIEK IN ZIT!
Ten viefde:
BIE ÓS TOES SJPEELT EDEREIN EIN INSTERMENT, EN MIT DE PLEKKERSKEPEL KÖMP D’R ALTIED SJTUMMING IN DE TENT!
Ten zesde:
MIT LYNN, BENTHE EN MICK AAN MIEN ZIEJ, SJPELE VEER DIT SJPEEL MIT VÄÖL FANTASIE!
Ten zevende:
WIEJ MEN WÈT IS TE VÄÖL SJLÓKKE SJLECH VEUR DE LIEN, MER DAO HÖB ICH GEINE LAS VAN, BÖN NET ’NE DURACEL KNIEN!
Ten achste:
BIEJ SCOUTING HÖB ICH EDERE DINSDAAG DE TIED VAN MIEN LAEVE. OUCH DIT SJPEEL IS MICH MIT DE PAPLAEPEL INGEGAEVE!
Ten negende:
DE LATASTE SJOOL IS DE PLAATS WO ICH AAF EN TOE GET LEER, MER DE ALLERSJOONSTE TIED OP SJOOL VINJ ICH ‘T SJPEELKETEER!
Ten teende:
MIT DEES DAAG GEIN SWITCH-SJPEL VEUR MICH, WANT ES JEUGPRINS BÖN ICH NOE TOET ANGER DINGER VERPLICH!
Ten ellefde:
DET ICH HIEJ NOE SJTAON IS MIENE ALLERGROOTSTE WINS! WANT ICH BÖN NOE ECH DE JEUGPLEKKERS PRINS!
Dit alles proclameer ich uch, Plekkersvolk, ónger miene liefsjpreuk:
DRIE DAAG SJPEELKETEER!