C.V. De Plekkers
In 1966 zeen de Plekkers ontsjtaon oet de buurtvereniging van Maerem. De oprichters woore Jan Aendekerk Sjang Aendekerk, en names de buurt Sef Wassenberg en Ant Timmermans.
De vastelaovend besjting toen oet de zaoterdigaovend (buurtbal) en dao kwaame de muzikante en de vastelaovend vereniging De Jokers oet Beegden op bezeuk.
De eerste pekskes die de Plekkers kreege waore geleend van De Jokers oet Beegden en dit waar de eerste georganiseerde vastelaovend in Maerem.
Ein jaor later waerde het eerste prinsepak gekoch via Neske Finke in Sjtein, hae leverde auf de waemeskes, en de mutse waerde gekocht in Tegelen.
Maar het waor nog altied de de buurt die alles regelde en neet de Plekkers.
Toen lasjde het bestuur ein extra leeje vergadering in mit mer ein agendapunt: de vastelaovend in Maerem. De belangstelling waor groot en de vastelaovend vereniging waar ein feit, mit Jan Aendekerk es de drievende krach.
Noe mos der allein nog eine naam gevonje waere. Der waerde veul naame geneumd, mer geine dae dougde. Toet Sjang Aendekerk zag: ’t zeen altied dezelfde die plekke, numt ug toch de Plekkers?
Nao ein klaaterend applaus waore de Plekkers gebaore. Jo Cox waerde es 1e prins gekaoze op ut buurtbal, de daag der op waas al zien reseptie in ut kefee. Die begos om ein oer ellef.
Jo haet toen het prinsepak maar twee keer kinne draage. Det waas de vastelaovend in Maerem. Later kwaam de dolle dinsdag derbiej, woveur de zaal inne Sjuur eigenlijk te klein waar. Toet 1989 mos men aug lid zeen van de buurt, wool men biej de Plekkers kinnen.
Ongertösse besjtaon de Plekkers al oet drie groepe:
- C.V. de Plekkers, besjtaonde oet de Raod van 11 en de Aad Plekkers.
- Jeugdplekkers, opgerich in 2008. Doelgroep is jeug van 7 toet 14 jaor.
- Maeremse Maedjes, opgerich in 2017. Os eige Plekkers-dansgarde!
C.V. de Jeugdplekkers & Maeremse Maedjes
Jeugdplekkers/Maeremse maedjes
In 2006 is ut idee ontstange om binne de Plekkers ein jeugtak te beginne. Dit werd neet door eiderein positief ontvange. Want waat motte kinger bie ein vastelaoves vereniging. In 2018 is door ein meerderheid beslaote om toch te beginne mit de jeugdplekkers.
Als snel waor der ein gruupke jeug van 7 jonges en maedjes die de eerste raod vormde. In 2009 werd de eerste prins oetgeraope. Prins Jule 1. De jeugdplekkers waore toen ein feit.
Vanaaf 2010 hubbe veer aug ozze eige receptie.
Boete ut oetraope en de receptie ginge de jeugdplekkers aug angere dinge organisere, zoals ut HVK ( Hertes vastelaoves konkoer) en de kinjer optoch.
In 2017 waore 4 maedjes die tiedes ut HVK eins joon denske dede. Dit veel zo in de smaak, dat dees maedjes, same mit enthousiaste aajers ein heuze dansgarde hubbe opgerich. Dit zeen noe de Maeremse maedjes.
Vanaaf 2018 zeen zie noe aug ein vaste waarde binne de jeugtak van de Plekkers.
Ongertösse hubbe veer ein groep van ongeveer 22 jeuglede tusse de 7 en 14 jaor.
Bie de jeugdplekkers/maeremse maedjes zeen de vastelaoves activiteite in de eige gemeinsjap ut belangriekste.
Mer ut allerbelangriekste vinge veer det de jeug op ein leuke manier vastelaovund viere. Ver wille de jeug de sjoonste tied van ut jaor, op de beste manier laote belaeve.