Pagina wuurd gelaaje...

Prins Joeri I

Prins Joeri I

Adjudanten: Siem, Stan en Guy
Mit of zonger balle, veer gaon knalle!

 

Proklamasie

Veer, Prins Joeri 1,

Ellefde prins van de jeugdplekkers in Maerum.

Bie grasie van de veurzitter en vors van de grote Plekkers, Adjudante Siem, Stan en Guy en de raod van ellef, ein jaor heerser euver ’t Jeugdplekkers Riek, van de Nak toet aan Lerop en van de Rooj bruk toet aan de Sjroevesjtraot.

 

Proklemere veur uch, Plekkersvolk:

 

Ten eerste
Ellef jaor geleeje in Remunj gebaore, noe Plekkersprins gewaore

 

Ten tweede
Veurig jaor begos as jeugdplekker, dit jaor wirdt ’t nog vaol gekker

 

Ten derde
Vastelaovund zit mig in ’t blood, Pap ellef jaor bie de raod gewaes en mam vierde vreuger aug good

 

Ten veerde
Op de Hubertussjool begos as kleine krullebol, noe in groep ach mit heel veul lol

 

Ten viefde
Volgend jaor gaon ich ’t probere, op Broekhin in twee talen door te lere

 

Ten zesde
Bie S.H.H. daon ich as keeper mien bes, scoren laot ich euver aan de res

 

Ten zevende
Oug mit de buks sjeete daon ich gaer, jao bie de sjutterie, mit ein ech gewaer

 

Ten achste
Mien adjudante hub ich der heel gaer biej, En geneet van alle jeugdplekkers aan mien zie

 

Ten negende
Mien Playstation gaon ich neet misse dees daag, aug al ving ich dees oetspraak erg gewaag

 

Ten teende
Springe, hosse en polonaise, dao nao friet mit mayonaise

 

Ten elfde
Plezeer make veur ederein, mit de vastelaovund gaon ver wie eine trein

 

En dit alles, onger miene liefsjpreuk:

Mit of zonger balle, veer gaon knalle!