Prins Lucas I

Adjudante: Liam, Alecia en Ylias

“SPRING DE VASTELAOVEND IN!“

 

PROKLEMASIE

Veer, Prins Lucas den eerste,

Viefteende prins van de Jeugdplekkers oet Maerem.
Bie de grasie van Vors Jimmy van de Grote Plekkers.
Adjudante Liam, Alecia en Ylias en de Raod van Ellef.

Ein jaor heerser euver ’t Jeugdplekkersriek

Van de Nak toet Lerop en van de Rooj Brök toet aan de Sjroevesjtraot.

Zoon van mien vader en mooder,

Breurke van het aaijste en leefste Maerems Maedje,
Sjtuderend aan ‘t Hubertuscollege in Herte,

Sjpringkampioen en valbraeker, euver allerlei obsjtakels biej de Free Run,
Beste fiksjtaoker van Scouting Sint Hubertus in Herte,

 

MER ’T LEEFS VAN ALLES: JEUGDPRINS VAN MAEREM!

Proklamere veur uch,

Plekkers volk:

Ten eerste:

’t Is éch waor, ich bön Prins in mien eerste 1 x 11 jubileumjaor!

Ten tweede:

Mit de Vastelaovend is alles puur, en höb ich mien eerste peskes gezat hiej in de Sjuur!

Ten derde:

Det ich dit same mit miene pap moog belaeve, is eine druim dae kump toet laeve!

Ten veerde:

“Jeugdplekkers ”en “frikkedelle aete” heure biejein, ich doon dao gaer aan mit en gaon wie eine trein!

Ten viefde:

Trampoline sjpringe en valbraeke mit Alecia en Ylias is top, mit dees daag sjteit allein väöl sjpringe aan kop!

Ten zesde:

Mit miene buurjông Liam boew ich Minecraft Villa’s es de beste, nog sjonere es in Oolderveste!

Ten zevende:

Nao sjool gaon heurt d’r bie, maar mit de Vastelaovend bön ich het leefs hiej!

Ten achste:

Vastelaovesmeziek zing ich ‘t ganse jaor door, mit pap, mam en Maud in koor!

Ten negende:

Mit mien Adjes en alles van de Plekkers, besjteit d’r mit Vastelaovend nieks gekkers!

Ten teende:

nao eine daag onechte Prins, waas echte jeugdprins waere miene wins!

Ten ellefde:

al bön ich nog maar ‘ne kleine blaag, haopelik gaot geer toch väöl sjpringe mit mich dees daag!

Dit alles proclameer ich uch, Plekkersvolk, ónger miene liefsjpreuk:

 

 

SPRING DE VASTELAOVEND IN!