Pagina waerd gelaaje...

Prins Bas I

Prins Bas I

Adjudanten: Cristian, Joost, Marijn & Maikel
Kiek!…… Zuuse?…… Sjiek hè!?

 

Proklamasie

Veer Prins Bas den eerste,

Biej de grasie van de raod van ellef vanne Plekkers,  Adjudante Cristian, Joost, Marijn & Maikel en al os vrouwe en kinjer, drie-en-vieftigste prins vanne Plekkers in Maerum

  • Ein jaor heerser euver ‘t Plekkers Riek det zich oetsjtrek vanne Nak toet Lerop en vanne Rooj Brök toet aane Sjroevesjtraot
  • Gebaore biej de Katers, nao un waek verhoes nao de Donderböl, via de Tuinhagedisse, ellef jaor geleeje definitief in ’t Plekkersriek belandj
  • Zoon van Matje van de Moonk oet de Koet en Marianne van Piet & An van oppe Ruiver
  • Getrouwd en trotse vader van 2 echte Maeremse Maedjes
  • Broor van unne Werme…. Bekker van oppe Hamsjtraot
  • Meister aan ’n sjool veur opgesjaote jonge
  • De eerste ‘Sonnemans’ Prins in Maerum

 

Gaeve uch veur ‘t kommende tiedperk ‘t volgende om euver nao te dinke en te onthaaje:

 

Ten eerste

Det ich Mien Adjudante gaer aan ug veursjtel:

Cristian, auch bekind es KK en miene centefoekser

Marijn, auch bekind es Zinédine Zidane en zorg veur t aete

Maikel, alias miene regelnaef

Joost, auch waal Bollie genump,  zorg det ver get te drinke kriege

 

Ten tweede

Det ich mien maedje, mit de grasie van Marijke & Jos van Bilkeshof oet Lerop, auch unne Werme….. Bekker,  opgepik hub biej de Berggeite 

 

Ten derde

Det ich es eerste Prins van de legere sjool op Hoogvondere al hub mooge preuve.En noe klaor bun veur ‘t echte werk 

 

Ten veerde

Mit mien 2 naeve, aadprins Dave I, vanne Donderböl en aadprins Maikel I, vanne Tuinhagedisse es veurbeeld, gaon ich ’t waarsjienlik toch helemaol angers doon 

 

Ten viefde

Det ich vreuger väöl te vinje woor op ’t voetbalveld, noe meer t heil gezoch in ’t hellaupe.

Sowieso unne sjportgek, väöl doon mer nog meer kieke 

 

Ten zesde

Det ich gaer inne keuke sjtaon, geweun get probeer of ‘n lekker recep ineinflans 

 

Ten zevende

Det ich sinds 3 jaor mit moog doon mit de GHB, wo ver väöl fantastiese ideeje höbbe, die soms auch gerealiseerd waere

 

Ten achste

Det ich neet van de wintjer haaj, maar door un good glaas rooje wien en de Vastelaovend ut elk jaor weer euverlaef

 

Ten negende

Det ich in de zomer ‘t leefs mit vrunj de BBQ aansjtaek, mit unne billige zonnebril geneet van t zunke, unne Desperado en flink get sjpaerribs

 

Ten teende

Det ich de Seniore en de Jeug hoog in t vaandel hub sjtaon, zonger häör: woor der nieks, of kump der nieks! 

 

Ten elfde

Det dit toch waal unne druim is dae oetkump, laote ver der same un onvergaetelik fees van make.

 

 Det alles onger miene liefsjpreuk: 

Kiek!…… Zuuse?…… Sjiek hè!?